«Қола домбыра» республикалық балалар айтысы
ҚР Оқу-ағарту министрлігінің «Төрт тоқсан — төрт өнер» ұлттық мәдени-ағартушылық жобасы аясында «Қола домбыра» республикалық балалар айтысының облыстық кезеңі 2024 жылғы 15 қазанда «Ақтөбе-Дарын» өңірлік-ғылыми тәжірибелік қосымша білім беру орталығының ұйымдастыруымен №1 Балалар музыка мектебінде болып өтті. Облыстық кезеңнің Бас жүлдегері мектебіміздің «Айтыс өнері» класының оқушысы Нұрадин Арай, жетекшісі: Н.З.Даутов Республикалық кезеңге жолдама алған болатын.
Республикалық кезеңнен Нұрадин Арай жүлделі ІІ орынды иеленіп, бір қатар айтыскер ақындардың қолдауымен «Күміс домбыра» республикалық ақындар айтысына жолдама алды.
Жүзден озған жүйрігіміз Арай қызымызды шыңдай білген ұстазы Даутов Нұрболат Закпаевичке алғыс білдіре отырып, алдағы беделді белестерден сүрінбей өтіп, абыроймен оралуын тілейміз!